Bushra Abu Hamdia
مشرفة الألعاب الألكترونية
مايستريح اللي له همـوم وطمـوح
امـا همومـه تقتلـه او طموحـه
لو صارت ايامه تجي مثل ماتـروح
وهو بروحه يتلـف ايـام روحـه
حياتنا صارت على غيـر مصلـوح
استغفـر الله يـا الاهـي سموحـه
يارب حمدك وش بقا داخل اللـوح
دام الالم طبشور والقلـب لوحـه
اصبح وانا عيني على غيمة السـوح
وامسي وانا جفني نشف سيل سوحه
لولا توالي نازف الحـرف والبـوح
منهو يصبر خافقـي فـي جروحـه
ماغير اهدي داخلي قلب مذبـوح
في جوف روح(ن) للمطامح لحوحه
ياحض كل ما تصنعه صار مدمـوح
اب اعتبرها توبة(ن) لك نصوحـه
مير العهد منك عسا تترك الـروح
اياك تطري له معك يـوم روحـه