Bushra Abu Hamdia
مشرفة الألعاب الألكترونية
وين مستعجل على اللي مالقا للبعـد سيـره
هو سمعت الحي كمل بالزمن باقـي مسـاره
اجلس اجلس دام دنيا صاحبك اصلا قصيره
شف بقايا صبره اللي مثل جمر(ن) شب نـاره
ضنك ان البعد خيره يمكن ان القرب خيـره
من يدل دروب ذاك الخيـر او حتـى قـراره
اخذ فنجالك هلابك يابعـد شبـه الجزيـره
واقدع احلا مفرداتي عقب تعميـر السجـاره
وين ساري والمساري مـن بداياتـك كثيـره
ياأخي مره لشوفي ولـع وقـوف الاشـاره
والله اني شافقن لك شفقـة الضامـي لبيـره
لا خذاه الدرب يمنا والمـوارد فـي يسـاره
ياجرير الشعـر فينـي يـا يزيـده يازهيـره
ليه تكسر يافقار الشعر فـي بعـدك فقـاره
هو لقيت الورد يلقا عاشقـه لـولا عبيـره
او لقيت الغيم يبكـي دون برقـه والانـاره
انت واحد في كياني لكن همومـك عشيـره
والعشيره كل واحد جا يريـد اليـوم ثـاره
ما ابي منك سوى اللي قاله لجسـاس زيـره
بس اريد كليب طيب في ملاه وفـي ديـاره
وانت تدري كليب قلبي وانذبح بك دون غيره
والله ان اللي جرى في بكر يجرا لـك غـراره
يا اخي قلب(ن) يحبك ليه تجـزاه بكسيـره
ما دريت ان الطنايـا بالجـزا عنـده مهـاره
لاتقول القلب لين والغـلا يمحـي العثيـره
ليته ان القلب لين كان مـا جـاه انكسـاره
وانت مستعجل على اللي يرقبك في كل ديره
وين ما والله تعدى مجلسـي قبـل الخسـاره
لعن ابوك اللي بيذبح طير يصرخ به ضميـره
وانت ذابح من مشايخ شمر وتضحك نـداره
لا رحم حي التسامح كان يصفا لك غزيـره
هو سمعت الشيخ ينسى من خذا قلبه بغـاره
